شرح فك ضغط الملفات
اولا لازم يبقى عندك برنامج وين رار
اولا لازم يبقى عندك برنامج وين رار
لتحميل برنامج الوين رار لفك الضغط عن ملفات الافلام اضغط على الايقونة للتحميل
لتحميل الباتش الخاص ببرنامج الوين رار ليصبح كاملا اضغط على الايقونة للتحميل
بعد ما حملت برنامج الوين رار تسطبه عادى جدا جدا زى اى برنامج
بعدين هتلاقى ان الملفات المضغوطة شكلها اتغير
دلوقتى انت نزلت فيلم حسن طيارة مثلا كل الاجزاء وحطيتها فى فولدر واحد زى اللى فى الصورة
طبعا لو لاحظت هتلاقى ان الملفات اسمها واحد بالظبط مفيش اختلاف غير فى رقم الجزء اللى هو
part1 و part2 و .....
ركز بقى وشوف انا بدأت افك الضغط عن الملف الاول اللى هو اسمه بارت 1
وهو هيستدعى باقى الملفات ويفك الضغط عنهم تلقائى
يعنى مش هتفك الضغط يدوى عن كل ملف هو هيعمله اوتوماتيكيا
وتختار نفس الاختيار اللى انا اخترته فى الصورة عشان يعمله فى مجلد جديد
دلوقتى دىصورة تظهرلك انه بيفك الضغط بدون مشاكل
----------
لما بتنزل ملف ويكون ليه كلمة سر .. اول ما تيجى تفك الضغط هيجبلك مربع لادخال كلمة السر ولو كتبتها غلط او مكتبتهاش مش هتقدر تفك الضغط
----
دلوقتى لما بيبقى عندى فيلم مساحته 300 ميجا مثلا واجى ارفعه على رابيد شير وطبعا رابيد شير اكبر ملف اقدر ارفعه عليه هو 100 بالتالى مش هقدر ارفع الفيلم بس طبعا مينفعش مرفعوش الاعضاء تزعل منى .. بنعمل حاجة جميلة اوى وهى اسمها تقسم الملف
تقسيم الملف بينزلك حسب المساحة اللى انت تحددها يعنى انا بقوله يقسمهولى بحيث ان حجم الملف الواحد يكون 100 ميجا بالتالى هيبقى الفيلم عبارة عن 3 ملفات كل ملف 100 ولو كان مساحته 310 ميجا مثلا هيكون الفيلم عبارة عن 4 ملفات و 3 منهم 100 ميجا والاخير هتبقى مساحته 10 ميجا
ده شرح بسيط للعملية .. تعالى بقى نفهم الموضوع بيتم ازاى وازاى بيتجمع تانى
الوين رار لما بعمل العملية دى بيدينى الملفات على الشكل التالى
Death.Sentence.DVDRip.Hossam.Edrees.part1.rar
Death.Sentence.DVDRip.Hossam.Edrees.part2.rar
Death.Sentence.DVDRip.Hossam.Edrees.part3.rar
--
لاحظ نهاية اسم اللملفات بتكون متطابقة تمام ولكن رقم الجزء هو اللى بيختلف part1.rar و part2.rar و part3.rar
وده العامل المشترك واللى انت لازم تخلى بالك منه وانت بتحمل الملفات فى مجلد واحد تتأكد ان مفيش اى تغير فى اسم الملف
لو جيت مثلا تغير رقم او حرف او اى شئ فى اى ملف بالتالى مش هينفع يتم تجميعهم وانت بتفك الضغط وهيجبلك الرسالة اللى انت جايبها فى الصورة
دلوقتى تعالى نظبط بقى المشكلة اللى عندك - الاول سامحنى على الاطالة بس عشان يبقى مرجع لاى حد عنده نفس المشكلة فى المستقبل - ...
اسماء الملفات اهى زى المفروض انت منزلها من الانترنت مجزاة
7en-Maysra-Cam-Dvd2Arab.com-By-Dr-Blue.part1.rar
7en-Maysra-Cam-Dvd2Arab.com-By-Dr-Blue.part2.rar
7en-Maysra-Cam-Dvd2Arab.com-By-Dr-Blue.part3.rar
بص بقى على الصورة اللى انت جايبها كده .. ابدأ من الشمال وخد بالك من الاسهم اللى انا حطيتها على الصورة
اول صورة على الشمال خد بالك من اسم اللمف اللى بيتفك الضغط عنه
هتلاقيه على الشكل التالى 7en-Maysra-Cam-Dvd2Arab[1].com-By-Dr-Blue.part1.rar
اخدت بالك من الرقم اللى انا كاتبه بالاحمر ؟؟ هو ده الخطأ اللى عندك
بالتالى لما يجى يطلب part 2 هو عايزة يكون على الشكل ده 7en-Maysra-Cam-Dvd2Arab[1].com-By-Dr-Blue.part2.rar
يعنى الرمز اللى فى الجزء الاول عندك [1] دخل ضمن اسم الملف مثله مثل .com و dr.blue او اى اسم من الملف
وده اللى بيطلبه منك فى الصورة رقم 2 اللى فى النص بيطلب منك الملف ده
7en-Maysra-Cam-Dvd2Arab[1].com-By-Dr-Blue.part2.rar
وانت بتضغط cancel ومعناها انه ميكملش العملية .. لا لو جابلك الرسالة دى بعد كده
شوف اسم الملف الاول ايه وارجع عدل على باقى الاجزاء
ياما تخلى باقى الاسماء كده
7en-Maysra-Cam-Dvd2Arab[1].com-By-Dr-Blue.part1.rar
7en-Maysra-Cam-Dvd2Arab[1].com-By-Dr-Blue.part2.rar
7en-Maysra-Cam-Dvd2Arab[1].com-By-Dr-Blue.part3.rar
وبعدا تضغط ok
او تعدل اسم الملف الاول تتأكد ان باقى اسماء الملفات على نفس النمط
يعنى المهم انك تخلى بالك ان اسماء الملفات كلها لازم تكون واحدة والاختلاف فقط فى الرقم بتاع الجزء
ممكن تغير اسماء الملفات كلها زى مانت عايز وهى مضغوطة بس تحافظ على التسلسل
انا حاولت اشرح بالتفصيل الممل على اد ما اقدر عشان احاول اوصل المعلومة لكل الاعضاء
