طريقة تغير الامتداد التى اقصدها فى مواضيع المنتدى هنا
اولا احب اقول انى بعمل كده لان موقع ارشيف ممنوع يترفع عليه ملفات مضغوطة فانا بعمل تغير وهمى فى امتداد الملف عشان يظهر كانه ملف فيديو
دلوقتى بعد ما تنزل الملفات فى مجلد واحد تعالوا نشوف ازاى نقدر نغير الامتداد بالشرح المصور ده
اولا ادخل على MyComputer
واختر من القايمة اللى فوق خالص Tools زى الصورة
بعدين اختر Folder Option
هيظهرلك مربع زى الصورة التانية بالظبط
هتدخل على View بعدين تنزل تتاكد ان مفيش علامة فى المربع اللى قدام كلمة Hide extension for known file types يعنى هتخليه مش
متعلم عليه زى اللى فى الصورة بالظبط
بعدين تدوس Apply وبعدين Ok
كل اللى عملناه ده عشان نتأكد ان امتداد الملف مش مخفى وانه ظاهر عشان نقدر نغيره
---
دلوقتى انت حملت الملفات بتاعة الفيلم ادخل بقى المجلد اللى فيه الملفات
وهنفرض مثلا انهم كما بالصورة
هل لاحظت ان الامتداد wmv ??
طيب دلوقتى تقف على الملف الاول بالماوس
بعد ما وقفت على اللمف من الكيبورد اضغط زر F2 فى اعلى الكيبور على اليسار او بدلا من ذلك كليك يمين من الماوس واختر من القائمة Rename او كليكية شمال صغيرة على اسم الملف هتلاقيه اتغير عشان تقدر تعدله زى الصورة دى
دلوقتى عايزين نغير wmv الى rar او نغير اى امتداد الى اى امتداد اخر كما سيخبرك كاتب الموضوع فى موضوعه عن الامتداد الاصلى للفيلم
نحدد بقى فقط الامتداد اللى بعد النقطة اللى هو wmv
نكتب من الكيبورد rar بدلا من wmv
وتدوس Enter من الكيبورد عشان يبقى زى اللى فى الصورة بالظبط
ونفس الكلام تعمله مع الملف التانى وباقى ملفات الفيلم ان وجدت
وتبدأ تفك الضغط عن الملف الاول ويبقى كله تمام ان شاء الله
اتمنى يكون الشرح كان مفيد
واعذرونى لو فى اى اخطاء او ملل بس عشان الناس اللى متعرفش تغير الامتداد
على فكرة العملية اللى حصلت دى اسمها تغير امتداد وليس تحويل ملف يعنى مالهاش برامج او حاجة هى بسهولة تعملها فى ثوانى والغرض منها عملية تمويه للموقع اللى اللمف اترفع عليه مش اكتر من كده
وطبعا بكده انت تكون عرفت ازاى تغير امتداد اى ملف لاى نوع امتداد اخر حسب ما هيقولك صاحب الموضوع لو قالك ولو مقالش يبقى مش مطلوب منك تعمل اى حاجة
ولو فى اى استفسار ياريت نكتبه هنا فى الموضوع
لو الصور مظهرتش عن حد حمل الملف ده فيه كل الصور اللى فى الشرح
طريقة تغير الامتداد التى اقصدها فى مواضيع المنتدى هنا