ايه اخرة اللي بيحصل لينا ده
كل واحد في حاله وبيقول انا مالي
بنشوف الاسعار مولعة وبرغم كده مش عارفين نتصرف
بنسيب الظلم يملا البلد وعمرنا ما بنقول لا
عاوزين نغير حال البلد ومش عاوزين نتحرك علشان التغيير ده يحصل
عاوزين نشتغل مديرين ووزراء وملوك ومش عاوزين نعمل حاجة علشان نوصل للي عاوزينه
عاوزين ناخد كل حاجة وعمرنا ما بنفكر هنرد اللي اخدناه ازاي
عاوزين نبقي في احسن حال وبننسي اي حد تاني
عاوزين وعاوزين وعاوزين .......... بس عمرنا ما فكرنا الناس اللي حوالينا عاوزين مننا ايه ؟
بجد يعني علي قد ما الواحد بيحاول يفكر في الحاجات اللي عاوزينها بيرجع تاني ويفكر طب هنعمل ايه علشان نوصل للي عايزينه ده وهنضحي بأيه وبمين علشان نوصل .
وبعد ما الواحد يفكر ويفكر ويتخنق من كتر التفكير بيرجع يقول ( إن الله لا يغير ما بقوم حتي يغيروا هم ما بأنفسهم )
enough said
تحياتي