معلش يا جماعه اتأخرت عليكوا بس والله لظروف طارئة فعلا , أصل أنا عقبال عندكم من النوع اللي يخاف يسيب جهازه في حاجة علشان كده ضربت النسخة عندي وعلشان انا مش فاضي ( قال يعني الواد قاعد بيرص فلوس ) عموما علشان انا مش فاضي بعت الجهاز للدعم الفني ( واكيد اللي مهتم هيسأل يعني ايه الدعم الفني ) بس مش هقولكم دلوقتي . عموما بعت الجهاز للدعم الفني وفضل بعيد عن حضني لمدة 5 يوم ولما جالي تاني ( ومش هعمل زي الست شيرين وهيه بتقول آآآه لو جاني تاني ) مع أن الفكرة كانت كويسة بس بجد لما الجهاز جاني تاني لقيت عقبال عندكم أن الجماعه المفتحين بتوع الدعم الفني قافلين الموقع بتاعكم من عندي ومش عارف افتحه فهضطر اني اكلمك من اي سيبر وامري لله ( حلوة هضطر دي ) قيعني اعذروني لو اتأخرت عليكم فترات ان شاء الله هتبقي قصيرة ( الغريبة غرابة ) ان انا فاكر نفسي الدنيا هتقف ومش هتمشي علشان غبت عن الموقع شوية يلا بقي هنعمل ايه ؟
تحياتي

الله يعينك يا سيدى على كل ما سببهولك الدعم الفنى القاسى والمفترى يا ساتر عليه دعم بارد
س/ ما هو الدعم الفنى ؟ اشرح بالتفصيل
شكرآ

ههههههههههههههههه مبروك رجوع الجهاز إلك بالبسلامة وقولنا شو مشكلتك عسنى نقدر نحلهالك

انا برضة لما الجهاز بيعطل ببقى عاملة زى المجنونة
بس صحيح المشكلة

الدعم الفني ده وهو القسم المسئول عن اصلاح العيوب والاخطاء اللي بتحصل للأجهزة الموجودة في الشركة ( وكفاية كده النهاردة يا صحبي )