مش عارف حاسس إن انا عندي اسهال في الكتابة اليومين دول ليه ( معلش علي التعبير ) بس فعلا حاسس ان انا عاوز اكتب واكتب واكتب لغاية ما تتخنقوا مني وتقولوا لي بطل بقي ارحمنا ( واكيد الاحساس ده وصل من زمان ) بس عاوز اتكلم معاكم واكتب عن مواضيع كتير قوي بس هقول ايه ولا ايه :
يعني هتكلم عن الأسعار والافترا اللي التجار بقت فيه .
ولا هتكلم عن المرتبات اللي يدوبك بتكفي الواحد ببس .
ولا هتكلم عن المظاهرات اللي اتعملت وكان يا ما كان
ولا هتكلم عن الملل اللي ماسك نص شباب البلد زي المغص المعدي
ولا هتكلم عن صفافيح الزبالة اللي مليا البلد ومش عارفن نشيلها
ولا بلاش النقطة اللي فاتت دي والنبي
علي العموم انا بس كنت عاوز اتكلم عن كتاكيت أم أحمد
الست دي يا جماعة مشكلة كل ما نقولها يا حاجة البلد فيها انفلونزا الطيور والذي منه ( نكمل بكرة يا جماعة علشان عندي مغص من بتاع الملل )
ولا بصراحة .................................... ( شكلها رقابة ولا ايه )
نلتقي بكرة إن شاء الله
فكروني بأم أحمد علشان نكمل حكايتها