حكاية البرنس مع الدى فى الدى عرب

الجزء الاول

فيوم من الايام رايح اسلام( مستر بوبس ) عدى على حسام( دكتور بلو )

فسكتة اسلا م راح بالعربيه يزمر لحسام تحت عشان ينزل

اسلام : انت يعم يالى اسمك حسام يلا يجدع خلينا ناخد اليوم من اوله مش وقت كسل

حسام: حاضر يا اسلام اصبر بس البس طيب وافطر وجيلك اطلع اعد شويه

اسلام: اعد ايه ياجدع انت انت بتهرج والله الساعه بقت 10 ولسه متحركناش اخلص بقى

حسام : خلاص ياسيدى متزعلش انا جايلك اهو خمسه بس ياحبى

اسلام (مفروس) : حبك برص

واخيرا نزل حسام

حسام : اتاخرت عليك

اسلام : اركب يعم ماهى عادتك ولا هتشتريها اتفضل يا استاذ

حسام : يزيد فضلك

اسلام: اتلامض بقى عالصبح

حسام : ماشى يا خفه اطلع بقا

اسلام : ها ياسيدى ايه الخبر الى عايزانى فيه مستعجل اوى كده

حسام: اصبر بس تعالى نروح اى ريسرونت نفطر الاول ونتكلم على رواقه

اسلام: اوكيز يا نجم

حسام: بس بسرعه وحياتك لحسن ملحقتش افطر فالبيت

اسلام : انته هتتامر مش كفايه خوتنى من امبارح عدى عليه عايزك عايزك

ومره واحده واسلام سايق بالعربيه شايف عربيه زى الساروخ

عدت من قدامه وكانت هتخليه يعمل حادثه بس ربنا ستر

اسلام : الله الله انت ياجدع انت يالى سايق بالراحه يعم انت ايه مش عارف

تهبب امال سايق ليه اعوز بالله

ومره واحده العربيه الى كانت هتخبط اسلام عملت خمسه سريعه اوى ولفت بوشها بطريقه

فظيعه ونزل الى سايق العربيه شاب كده روش طحن لابس نظاره سودا بص ل اسلام وقالو

صحبنا :انت الى بتكلمنى كده

رد عليه اسلام وقالوو

اسلام :اه انا الى بكلمك كده ايه مش عاجبك انت مش شايف انت كنت سايق ازاى

رد صاحبنا بكل برود انا مش هرد عليك عشان مينفعش ارد عليك عموما

سورى وابقى اتعلمت تتكلم بطريقه اشيك من دى اروفوار وطار صحبنا بالعربيه

حسام : مكنش يصح يا اسلام تتكلم بالطريقه دى بالرحه يااخى

اسلام : انا متعصب شويه معلش وطريقة سواقته استفزتنى جدا

حسام : بس هو طلع زوق وقالك سورى ومشى بكل احترام

اسلام : بقولك ايه يلا خلينا نلحق نفطر

وطار اسلام بالعربيه للمطعم وفطر الحمد لله هو وحسام وطلبو درينك وفضلو يتكلمو شويه

حسام: كان فيه حاجه كده يا اسلام عايز اكلمك فيها

اسلام : اااه الحمد لله الاكل جاامد عرفت المكان ده منين ياد

حسام : ياخى ركز معايا بقى

اسلام : ها يا جميل ايه الحوار

حسام : سمعت عن فكره المنتدى

اسلام : اه طبعا دى قالبا الدنيا والشباب دلوقت محدش معندوش منتدى اتنشرت اوى ياحسام

حسام: اها جدا والله انا مش هلف ودور عليك بص الحكايا وما فيها

اسلام: ها

حسام: انا عايزك تدخل معايا شريك ونعمل منتدى ايه رائيك

اسلام: بس انته عارف انا مبفهمش فى الاداره وكده انا هقف معاك فى الشغل فى المنتدى

حسام : اده اده الحق يا ااد الواد الى كان سايق العربيه اهو قاعد معاه بنت

بيفطرو عالطرابيزه الى فالاول خالص شايفهم

اسلام: اه تصدق هو سيبك منه بقى يعم

حسام: اسلام انت لازم تروح تقوله معلش وكده وتاخد بخطره

اسلام : حسام انا مغلطش هو الى كان ماشى غلط واعتزلى وخلاص الموضوع خالص

حسام : ازاى بس يا اسلام انت دخلت فيه شمال على طول يا اخى والراجل

زى مانت قولت اعتزر وحصل خير يعنى خلاص بقى تعالى لو مكسوف نروح نكلمة انا وانت

اسلام: طيب ياسيدى عشان خاطرك هروح يلا بس انجز بقى

حسام : حاضر مش هنطول فاضل شوية عصير استنى

راح اسلام وحسام ل صحبنا الى قاعد عالطرابيزه ودخل حسام

حسام : صباح الخير

اسلام : صباح الخير

صحبنا : صباح النور ...مش انته ..!!!

اسلام : ايوه اانا الى كنت سايق وكلمتك بطريقه مستفزره شويه عموما

سورى وحصل خير انا محبش ازعل حد منى خصوصا انك طلعت زوق

صحبنا: لا ولا يهمك انا نسيت الموضوع تماما اتفضل واقف ليه

اه اعرفك دى ايمان صديقه من زمان

اسلام : تشرفنا

ايمان : الشرف لينا

حسام : اهلا بيكى

ايمان : وبيك اتفضلو

اسلام: ماقولتلناش بقى اسمك ايه

صحبنا : انا اسمى محمد 20 سنه وشويه واكون 21

اسلام : تشرفنا انا اسلام 20 سنه

حسام : وانا اسمى على اسمك على فكره برده محمد بس كله بيقالى حسام

ايمان : خلاص يا جماعه عشان ميحصلش لغبطه قولو يا ماندو اسم شهرته كده

مادوو : فكره كويسه برده يا ايمى

اسلام : وانتى برده شهرتك ايمى

ايمى : اها شوفت على اخر الزمن ايمان تبقى ايمى

حسام : ههههههههه

ايمى : وانت مالكش شهره ولا ايه يا اسلام

اسلام: انا مشهور مستر بوبس

حسام : ماندو انت سمعت عن فكرة المنتديات وكده

مادوو : اها طبعا انا شغال فمنتدى واحد زميلى كان وارثه عن باباه

الله يرحمو منتديات لافرز تامر حسنى لو تعرفها

حسام : اها طبعا عارفه بس فى فكره فى دماغى اننا نعمل منتدى خاص بينا ايه رائيك

مادوو : والله فكره كويسه جدا ان يكون ليك منتدى خاص بيك بس يترى انت جاهز لكده

حسام : من ناحية الفلوس مفيش مشاكل

مادوو : لالا مقصدش ماديات انا اقصد انك جاهز معاك شباب وبنات صحابك

ووكده يقدرو يساعدوك فالحكايا دى بصراحه لا هى فكره خطرتفى بالى انا برده وحبيت اعملها و عملتها

بس مكنتش عامل درسات على اداره المنتديات وجاهز بس

اسلام : طب ايه رائيك يا ماندو لو تيجى معانا انت وايمى وانا ليا صحابى

هكلمهم وانت لوليك معارف نكلمهم برده

ايمى : انا مبدأيا معنديش مانع ها يا ماندو

مادوو : اوك مفيش مشاكل شئ يشرفنى طبعا نبدا من الصفر وبازن الله ربنا يوفقنا

حسام: خلاص تمام انا هخلص اوراق المنتدى واجهز بيه واطلع عالشهر العقارى اسجله

فوسط الكلام دخل شوية بنات عماله تضحك وتهزر وصوتهم عالى اوى

بصوو كلهم على البنات وبعدين سكتوو

وبعدين صوت البنات عالى اوى والضحك فبص اسلام جامد وقال

اسلام : يا جماعه فيه ايه الصوت شويه مش كده دخلت

فردت عليه بنت قالتلو

بنت 1: بالراحه يا اخ اعصابك احنا مش قاعدين على قلبك لو مش عاجبك المكان غيره

مادوو: استغفر الله العظيم انا مش هتكلم معاكى كتير يريت عشان منرغيش كتير

ممكن توطى صوتك شويه انتى وصحابك الامامير دول

فردت بنت من بعيد كده قالت

بنت 2 :خلاص يا منى تعالى سورى ياخ حصل خير بقى ممكن نخالص الحوار ده

راحت ايمى قايله

ايمى : خلاص يا بنات معلش بس الصوت بس بليز

ردت الى اسمها منى وقالت

منى : خلاص يا جميل عشان خاطرك

ايمى : ميرسى انتى اسمك منى

منى : اه

ايمى : تشرفنا عموما ميرسى انتى زوق

منى : العفو انتى اسمك ايه

ايمى : انا اسمى ايمان

منى : طيب ممكن تيجى تسلمى علينا بقى

ايمى : هههههه من عينى بس كده

منى : ميرسى اعرفك بقى دى داليا وده حنان وده لنا

ومره واحده دخلت بنت راكبه سكوتر وماشيه بسرعه اوى ومره واحده

وفرحانه موت كانها نفسه تعمل كده من زمان ووكسوفها اكتر من فرحها

اتزحلقت وقعت على الارض وكان شكلها وحش اوى اوى قام حسام بسرعه وحاول يساعده

وحاول يساعده لكن رفضت المساعده وقامت لوحديها واتحركت ايمى عليها بسرعه اوى

وماندوو مش خد لباله من اللى حصل وكان بيتكلم مع اسلام

حسام : انتى كويسه

البنت : اه الحمد الله جت سليمه ميرسى

ايمى : انتى كويسه يا مشمشه

منى : انتى كويسه يا مشمشه

ايمى : انتو تعرفو بعض

مشمشه : اه انا اعرفهم دوله اصحابى اعرفك عليهم

منى : محنا اتعرفنا عليها انتى تعرفى ايمى منين

مشمشه : ايمى ده بنت خالتى وواكتر من اختى

ايمى : حبيبتى انا

منى : طيب يعنى طلعنا معرفه طيب تعالو نقعد مع البنات مش هنقف كده

العرض مستمر..................

hahahahaha
, very wide imagination,
GO ON

اراء كتير تضاربت فى مخيلتى عندما قراءت هذه السطور ومن قبلها موضوع القصر اراء متناقضه تماما وسبب هذا التناقض خلاف حدث بينى وبين صاحب الموضوعات قديما وترتب على هذا الخلاف اراء سيئه عن صاحب الموضوع ولكن بعد ان قراءت هذه السطور ومن قبلها سطور موضوع القصر وقبلها اشياء اخرى فقد تغير راىء مائة وستون درجة عن هذا الشاب الذى اصبح يستئثر قلبى وعقلى بكلماته واراءه الرائعه وتاتىء فى المقدمة افكاره الرائعه التى تنم عن صاحبها الممتاز ذو الامكانيات الرائعه والافكار النيره فدعونا نقدم له كل شكر واحترام وتقدير واسمحو لى ان اكون فى مقدمة من يبث له بالشكر ويكن له الاحترام الشديد

اسف على الاطاله وعلى ابتعادى عن الموضوع الرئيسى

واحب اسئل البرنس سؤال مين منى ديه اللى ورد اسمها فى القصه

واخيرا اتمنى الا تنسى الاعضاء الاخرين وتركز جدااااااااا علشان نشوف حاجة حلوه زى ديه

وااااااااااااو تحفة يا واد يا مادوو جمدة

مووووووووت

بس انا مش بنزل بدرى خليها

عشاء مش فطار ممكن

هههههههههههههههههههه

تسلم ايدك بجد

تحفة وكانها حقيقية بجد

ممشى الاحداث بواقعية جميلة

بس مش حرام عليك توقع مشمشة بالسكوتر

ههههههههههههههههههههه

تتعور ولا حاجة

لالالا ايه الحاجات الجميلة دي يا محمد

بجد هايل جدا جدا

ايه الابداع ده ،

تسلم ايديك

و يا رب دايما كده للافضل ان شاء الله

و مستنيه باقي الاجزاء بقااااااااا

حكاية الدى فى الدى مع البرنس

الجزء الثااانى

اتعرفت ايمى على منى وداليا حنان و ومعاهم مشمشه وراحو يقعدو مع
الشباب شويه بقى

ايمى :هاى عليكو

حسام: هاى يا ايمى هاى يابنات ايه لسه مضايقين من الى حصل

حنان : لا حصل خير عادى يعنى بس كان فيه اسلوب احسن من كده

اسلام: ماله بقى الاسلوب

ايمى : خلاص يا جماعه فيه ايه احنا جايين نتصالح مش نزعل من بعض وعلى فكره بجد والله بنات زى العسل

مادوو: اه زى القمر كمان

حنان : وبعدين ياخ انت بتعاكس ولا ايه

مادوو: احم لا لسمح الله دى اقل حاجه اقولها يعنى

حنان : طيب

حسام : مش هتعرفونا بنفسكو بقى

منى : بص يا سيدى انا اسمى منى ودول داليا صحبتى الانتيم احنا من اسكندريه عشقنا الاول

ودى مشمشه صحبنتا اتعرفنا عليها فى مصر ايام الجامعه اما دول حنان ولنا من مصربس عايشين فى الكويت

واتعرفت عليهم فى مصر وبيجو يقعدو كام يوم فبنزل نقعد معاهم كل ميجو نقضى يوم مع بعض كلنا

اسلام : وانتى يا حنان برده بتنزلى مصر فالاجازه بس ولا هتعدى على طول

سكتت حنان ومش راضيه ترد على اسلام خالص ومدياله وش جامد

اسلام: تصدقى انا غلطان عشان كلمتك اصلا

مادوو : يووووووو بقى ما خلاص يا حنان فكيها احنا اخوات وبقينا صحاب اهو

حنان : ماشى اوك

لنا: جرا ايه يا حنون متفكيها دانتى النسمه الجميله الى معانا

حنان: حنون فى عينك

مادوو: ههههههههههههههه حنون ايه ده اسم ولا اسم صابون

حنان: كركركر ايه يعم الخفه دى مانت ظريف اهو

مادوو : بهزر والله مش قولنا اخوات بقى

حنان (مفروسه) : افففففف اخوات ايه دول اعوز بالله

مشمشه: اوك يا جماعه بجد فرصه سعيده وحصل خير للمشاكل دى هى السبب فالتعارف الجميل ده

حسام : ولا يهمك حصل خير

داليا: سورى يا اسلام وسورى يا مادوو يريت محدش يكون لسه مضايق بقى

مادوو : تسلمى يا دودى كلك زوق

منى : اوك يا جماعه بجد مطرين نسيبكو ورانا حجات كتير لازم نعملها

ايمى : اه صحيح بالحق يا جماعه مين فيكو بقى اهلاوى هنا

حسام: انا طبعا وواسلام بس مادوو ومشمشه والبنات معرفش

مادوو : انا طبعا اهلاويه ميه ميه بس باين كده ان منى

منى : ايه حد عندو اى اعتراض ماله الزمالك

داليا: ههههههه ال زمالك دول انقرضو يا بنتى

منى : ها عمل ايه بقا

حنان : خلاص خلاص يلا نمشى دلوقت

مادوو: لو ربنا ستر وشوفتك تانى مش هسيبك تانى يا زمالكاويه

منى: يا سم

مادوو: مغ سى

لنا : سلام يا ايمى هبقى اتصل بيكى او عالميل اوكيش

ايمى : اوك يا جميل باى

ومشيت البنات كلهم يقضو يومهم بقى ويعيشو ححياتهم شويه

حسام : وااحنا كمان يا جماعه بجد اتخرنا جدا لازم نروح دلوقت كام مشوار هنقضيه بس كده

بصراحه مكناش عاملين حساب القعدة تطول كده

ايمى: اوك يا حسام وفرصه سعيده جدا

اسلام: احنا اسعد والله اتشرفنا بيكو وبازن الله نتعامل مع بعض انا حبيتكو جدا

مادوو : واحنا والله شرف لينا وهتصل بيك اعرف اخر الاخبار

حسام : اوك يا جميل عن ازنكو باى يا ايمى

ايمى : باى

مادوو : باى

ومشى اسلام وحسام كانو رايحين لصاحبهم مستنيهم عشان رايحين خطبة الشيخ عمرو خالد فدريم لاند بليل

اسلام: ها ياعم حسام ايه رائيك فالى حصل النهارده

حسام : ياخى مكنتش اتوقع بس بجد ناس كويسه اوى وممكن ينفعونا جامد وغير انى وثقت

فيهم بسرعه مش عارف ليه

اسلام : ربنا يسهل المهم بس نستعجل امور المنتدى ونخلص بقى بسرعه

حسام : بازن الله ربنا يسهل

بيوصل مادوو ايمى بيتها وروح هو كمان

ايمى : سلام يا مادوو

مادوو: سلام يا ايمى مش عايزه حاجه

ايمى : ميرسى

مادوو : يلا اشوفك على خير

ايمى : انشاء لله

ايمى : مش هتجيب لفه بالعربيه ربنا يهديك

مادوو: يالى يا بنت من هنا

مشى مادوو بالعربيه يروح بعد ما وصل ايمى ومشغل السى دى ومدندن

ومره وحده شاف واحد واقف قدام العربيه ومش بيتحرك

تيت تيت ولا هو هنا والاخ ماسك كميت كتب كتير ووقعت منه

مادوو : يالهوى على برود الناس

الاخ : فى ايه استنى يا استاذ

مادوو: ما الشارع واسع اهوو حبكت تقف قدام العربيه

الاخ : وهو انته اشتريت الشارع بفلوسك استنى الكتب وقعت بلمها

مادوو :انا اسف حاضر

الاخ : يالهوى على البشر

مادوو( مفروس) : ( يغنى ) كده عينى عينك تشغلها ولا كان بينى وبينك

الاخ (من تحت الدرس) : اوك اتفضل يا استاذ

مادوو: سورى على الطريقه البايخه ده اتفضل اوصلك

الاخ : لا عادى محنا متعودين على كده منكم لما بتركبو عربيتا بتنسو نفسكم

مادوو: ههههههه طيب اتفضل اوصلك

الاخ : ماشى والله جت فى وقتها

ركب الاخ وهو فرحان ان التوصيله جت فى وقتها ورحمته من المواصلات وشيل الكتب
ومادوو عايز يتعرف عليه

مادوو: انا محمد 21 سنه وحضرتك

الاخ : انا احمد 21 سنه من الشرقيه

مادوو: انته بتدرس هنا ولا مقيم هنا

احمد : لا انا جى اشترى كتب وراجع على طوول

مادوو: اه صحيح انته شكلك بتحب القرايه اوى كل ده كتب

احمد: اه انا من محبى القراءه اوى

مادوو : شكلنا هنبقا اصحاب اوى

احمد: ده الشرف ليا

مادوو : انته بتدخل نت

احمد : يعنى مش قوى مهتم بالمنتديات وكده

مادوو : ياراجل طيب خد ايميلى وان شاء الله هنعمل منتدى قريب تكون معانا

احمد : اوك وانا موافق وادى ايميلى ونزلنى الشارع اللى جى

مادوو: هنا

احمد: اه هنا شكرا اوى يا محمد

مادوو: على ايه ولا يهمك ده اقل حاجه علشان متفتكرش اننا وحشين اوى كده

احمد : لا يارجل انا بهرج

مادوو: ولا يهمك مع الف سلامه

احمد :الله يسلمك

بعد ما مادوو وصل احمد مشى على البيت كان حسام واسلام وصلو لصاحبهم بلال

اسلام : بلاااااااااال حبيبى اتخرنا عليك صح

بلال : اخرص ياد انت ايه ياااخ الساعه دلوقتى 9.05 ومعادنا المفروض 9.00 بالظبط والدقيقه والثنيه ايه التسيب ده

حسام ( مفروس) : اعوز بالله ايه يعنى خمس دقايق

بلال : بتقول حاجه يا حسام

حسام: ابدا يا حبى معلش امسحها فيا انا

بلال: ماشى يلا بينا بقى عشان نلحق البرنامج

اسلام: انا بصراحه تعبان اوى

بلال : وبعدييييين كلنا هنروح يعنى هنروح بطل الحجج دى ده عمرو خالد ياخى

اسلام : انا مقولتش حاجه بس

حسام : خلاص بقى يا اسلام اوك يا بلال يلا بينا

اسلام : استنو بقى امون العربيه عشان شكل البنزين بيفنش

بلال : بس بسرعه يعم اللكعى

اسلام : طيب اوفففف

ومون اسلام العربيه الحمد لله وبيحاسب وبيكلمو بتاع البنزين

بتاع البنزين : الحساب يا باشا

اسلام: احم احم

بلال : احم ايييييييييييه

اسلام: اصل معايا 200 جنيه صحيحه

حسام : هههههههههه

بلال: والله العظيم وانا الى احاسب صح

اسلام : يا محمد صدقنى غصب عنى اعمل ايه بس

بلال: مانت كل شويه بتقول كده دى حاجه تقرف صحاب ايه دول ياجدع

حسام: هههههههههه

بلال : ايوه يعم حسام مقضيها انت ضحك وخلاص ايه الشطان بيزغزك

حسام : ابدا يا محمد بس ههههههههه

بلال : طب اخرص خلاص عايز كام ياسيدى

بتاع البنزين: ج50 نيه ياباشا

بلال : بس العداد كاتب 49 جنيه هو افتراااااااا

بتاع البنزين ( غيظ ) : يعم خلاص هات 49 خلى عنك خالص يعم مكنش جنيه

بلال: ماهو جنيه على جنيه يعملك مبلغ اخر الشهر

حسام : جرا ايه يامحمد هتعمل موال عشان جنيه ما خلاص ياخى

اسلام: يا سااااااااااااتر على الكرم خد يعم الجنيه اهو ولا يهمك

بلال :لا والله مانت حلو اهو عاملى فيها دفيع اوى طيب بالفلوس كلها يعم اللمض

وراحو الندوه بتاعت الاستاذ عمرو خالد وروحوو التلاته بعد ماخلصة وصلهم اسلام

وفى صباح تانى يوم عدى اسلام على حسام

اسلام : ياحساااااااااااااام يعم الحج انزل بقاااااااااااا

حسام: يادى النيله هو كل يوم كده

اسلام: وربنا زهقت الاقيها منك ولا من بلال يلا يعم عشان نلحق الشهر العقارى نسجل المنتدى

حسام : اوكيز خمسه بس

اسلام: يادى النيل عالخمسه دى الى مبتخلصش ادينى مستنى ...

وراح حسام مع اسلام الشهر العقارى يسجلوو المنتدى

اسلام: هتتصل بمادوو ولا ايه نظامك

حسام : والله مش عارف هو نفض ولا ايه اصله متصلش يطمن يعنى

اسلام: مش مهم يعم اتصل وخلاص بقى ولو مش عايز مش مهم يعنى احنا مش هنسلك فيه ايه يعم

حسام : ماشى استنى

مادوو : الو مين

حسام : هاى مادوو انا حسام ازيك يابنى

مادوو: اهلا يا سمسم ازيك انت

حسام :تمام الحمد لله نخش فالموضوع على طول يا سيدى انا خلصت اوراق المنتدى وكله تمام

مادوو : اصلى اوى وانا معاك اهو جاهزه بس جهز انت منتدى وادينا الاوك زى ماقولتلك ماشى

حسام : خلاص اتفقنا عايز اى حاجه

مادوو: ميرسى كلك زوق اعوز سلامتك

حسام : الله يسلمك سلام

مادوو: سلام

العرض مستمر....

ايه يابنى الخيال الواسع اوى ده .... دانت عملت فيلم بجد .. كمل وانا اقبلهولك مسلسل بجد وانزله فى رمضان الجاى

بجد هايل تسلم والله

هايل يا ماندوو

ومستنية الباقى

عشان هتبقى وهم وهم وهممممممم

ههههههههههههههههههههه

مجهودك واضح يا برنس


تسلم ايديك و بلاش تغيب في باقي الاجزاء علشان منساش اللي في الاول ( ما انت عارف الزهايمر منسيني اسمي )

هايل يا ماندو بس يعم ايه حكاية الكتب والحاجات ديه مين قالك اوعى تكون بتعمل تحريات عننا واحنا منعرفش

فين باقى الاجزاء يا برنس انا مستعجل تصدق فكرة الاجزاء ديه فكرة جامده مخليه الواحد عنده تحفز جامد لرؤية باقى الاجزاء

هايل
مجهود لاتكفى له كلمه الشكر

تسلم ايدك يا برنس

ههههههههه
جميله اوى
استمر