ابدأ موضوعى ..
كــــــــلام فــــــــى الحــــــــب
فى احد الايام بينما كنت مع احد اصدقائى .. و هو بصراحة ( بتاع بنات ) و متفهمونيش غلط فى بتاع بنات دى ..
بتاع بنات يعنى بيكلم كذا بنت فى وقت واحد و بيشتغلهم كلهم .. و فى الاخر يفرطهم ( يعنى ينفضلهم )
قلتلة يا (...) لية انتا بتعمل كدة يعنى .. للتسلية ؟؟
رد و قالى .. بس .. انتا مش فاهم حاجة .. طبعا اتضايقت .. و كنت ناوى اضربه
بس قلتلة .. طيب فهمنى سيادتك ..
قالى طيب اسمع القصة من الاول ..
" انا اول ما حبيت حبيت واحدة اسمها (...) و كان دا اول حب ليا .. و كنت فرحان لدرجة كبيرة انها وافقت تكلمنى ..
و فضلت ماشى معاها فترة اكبر من سنة .. و مرة بالصدفة لقيتها ماشيه مع اعز اصحابى .. و طلعت بتحبة هو .. و بتشتغلنى انا
و هو عارف كدة .. و بعدها قولت لازم انتقم من اى بنت .. "
قلتلة يا (...) بس مش كل البنات كدة .. يعنى ممكن تلاقى احسن منها اكيد .. قالى و انا مش عاوز احسن منها .. انا عاوز انساها و خلاص .. فبحاول انتقم من اى بنت .. قلتلة .. طيب و البنات دى زمبهم .. قالى و انا كان اية ذنبى ..
و بعدين كل البنات زى بعض .. قلتلة لا مش كلهم ..
قالى يابنى فى انواع من البنات بس من الاخر كلهم غرضهم واحد ..
قلتله اية هما ..
قالى ..
فى نوع من البنات تحب تمشى مع ولد امور عشان تتمنظر بيه ..
و نوع تانى تحب تغير الولاد زى ما بتغير الـ (شوز ) بتاعتها ..
و نوع تالت تمشى مع واحد عشان تغيظ واحد تانى ..
و نوع رابع واخد الموضوع تسلية ..
و النوع الخامس اللى هو اوحش نوع .. اللى تحب تشوف الولد و هو مجروح و تفرح اوى انها عملت كدة ..
و فى نوع كمان و دة احسن نوع و انا بحترمة اوى .. مابيكلمش ولاد خالص ..
قلتله بس النوع الخامس دة قليل اوى لما بيكون موجود و كمان مش بالشكل دة .. !!
دا كدة يبقوا شياطين مش بنى ادمين ..
قالى و فى افظع وحياتك .. بعد كل دة .. ليا حق فى اللى بعملة ولا ماليش ؟؟
يا جماعه انا عاوز رأيكم فى اللى هو بيعملة .. يا ترى لية حق ولا لا ؟؟
و يا ريت تقروا الموضوع كويس دا موضوع نقاشى يعنى مش عاوز كلمة شكرا دى .
كــــــــلام فــــــــى الحــــــــب
