توتة توتة و هتبدأالحدوته
شهرزاد : بلغنى ايها الملك الجميل ان الشاب بعد ان داخ فى التجهيز للدخول لقفص
الزوجية و البنت ذاقت المرار على ما لقت من تسمح بان يكون على مستوى الجدية
للارتباط بالعقلية .
اتفقوا على يوم لكتب الكتاب و تعليه الجواب و هنا اقدر اقولك ان الفرح كان جميل
و الكل فى سعادة بالغة لحد السماء ....و قد كللت الفرحة العروسن لان الزواج
رباط مقدس و قد وفقهم الله ....و اقولك ايه ؟؟ توتة توتة و فرغت الحدوتة يالا بقى
ادخل نام وجعت دماغى يا شهريار باشا ؟؟
شهريار : ايه ؟؟؟ هو الحكاية خلصت كده يا شوشو؟؟؟؟
انتى بتقلبينى على كده بقى؟ عايزة تنامى قولى ؟؟
لكن متقفليش الحكاية كده .
شهرزاد : لا و الله علمونى ان اخر الحكايات كده ؟؟
ان العريس ياخد العروسة و بكده تنتهى الحكاية حتى فى الافلام .
اول ما يتجوزوا يخلص الفيلم انت مش متابع روتانا زمان يا شرشر و الا ايه ؟؟
غريبة يا جماعة مش كده ؟؟؟
حلويين العرايس مش كده ؟؟
جو رومانسى و كمانجات و عيشه بصراحة ؟؟
و نهاية سعيدة للحكاية لكن من جديد بنحتاج ساعات نجدد حياتنا و مفاهيمنا بمعانى صح ؟؟؟
المعنى الجديد زى ما شهريار قال ؟؟
ان النهاية مش ممكن تكون كده و خلاص ؟؟ اتجوزوا و بعدين ؟؟؟ خلصت القصة و الا تكون ابتدت ؟؟
هو الجواز تعب قبل حدوثه و قصة و حوارات لا تنتهى ده صحيح ..
و لكنه للاسف لا تنتهى بالزفة و الفرح و رمى بوكيه الورد و حلم لقصة جديدة لبنت وولد جداد
و تنتهى برضه القصة نفس النهاية.. فرح تانى لا و نقول كمان عاشوا فى تبات و نبات
و خلفوا صبيان و توتة توتة خلصت الحدوته
الحياة معدتش بالبساطه دى مش كده ؟؟ صعبة حكاية التبات و النبات و حتى موضوع
خلفة الصبيان و البنات معادتش سهلة ؟؟؟
المعيشة و الغلا و الطلبات و عدم استقرار الشغل و ........و..........ووو
و كل الحاجات دى تبقى الحكاية ازاى انتهت
و العقدة بدأت
و العلاقات الاجتماعية و النفسية بين الزوجين ؟؟
و مشاكل الفترة الاولى فى الزواج ؟؟
و عبء المسئولية التى القت على كاهل كل منهم ؟؟
و بعد كده حمل من عدمه و دكتور بيسال عن سبب التاخير او الاهتمام بالجنين
فى المراحل الاولى و,...و..........و بعد الولادة ..و البامبرز و السيرلاك ...
ندخل فى الحضانة و المدرسة و المجاميع و الكليات و المصاريف و ........وووووو
تعتقد ايه نصلح المفهوم و نقول ...
" توتة توتة و ابتدت الحدوته "
اكيد طبعا فيه اكيد حاجات حلوة فى الجواز ؟؟
لكن مشاغله برضه كتير مش كده ؟؟؟و بعد المأذون ما يمشى بتبدأ حكايات مبتنتهيش ؟؟
معلش يا جماعة برضه سؤال و استفسار ؟؟؟
هما كل مرة تقف الحكاية عند الحتة دى ؟؟؟ طب ليه؟؟؟