السلام عليكم ورحمة الله وبركاته

اذيكوا يا احلي شباب انا سعيد جدااااااااا اني اول واحد اكتب في المنتدي ده واحب تكون اول حاجة

اتكلم عنها هيا عن القران الكريم عايزين يا شباب نختم القران كل شهر مره هيا مش حاجة صعبه

احنا لو فكرنا فيها بس وقسمنا المصحف علي اد الصلاوت اللي بنصليها هتلاقي نفسك بتختم المصحف

من غير ما تحس يعني المصحف فيه 30 جزء والجزء تقريبا حوالي 20 صفحة. 20 علي 5 فيها

4 يعني لو بعد كل صلاه قريت 4 صفح بس، علي اخر الشهر هتلاقي نفسك ختمت القران وكمان انت

لو مستصعب انك تقرا اربع صفح بعد كل صلاه ممكن تصلي بيهم وهما والله مش هيخدوا منك اكتر من

ربع ساعة او نص بالكتير اوي بس يوم القيامة هتحتاج الربع ولا النص ساعة دي بأي شكل فياريت

كلنا نعمل كده . حاجة تانيه احنا خلاص بقينا في رجب اهو يعني كل سنه وانتوا طيبين عايز كل الاعضاء

الحلوة اللي هنا يصوموا كل اثنين وخميس اولا هيا سنه عن الرسول تاني حاجة من صام يوما في سبيل

الله باعد الله بينه وبين النار سبعين سنه تالت حاجة صوموا تصحوا . انا عارف ان الجو حر وكده

والمغرب بيأذن متاخر شويه لكن كل بثوابه لازم نعمل لاخرتنا شويه عشان يوم القيامة مش هتنفعنا غير

الحاجات دي. سلاااااااااااااااااااام يا شباب وارجو ميكنش كلامي للقرايه والرد وبس اتمني انكوا تعملوا

بيه ويارب يهدينا اجمعين مع السلامة

جزالك الله خير يا حسن

وربنا يقوينا ونقدر نختم القران الكريم

ان شا الله تعالى