اولا....... انا متشكر جدا لردك عليا .ومتشكر اكتر لطريقتك الجميله والمهزبه في الكلام. شكرا جزيلا
ثانيا ..كل الحكايه ان انا واصحابي عالماسنجر بنقعد ندردش مع بعض وكل واحد رفع اغنيه بيقول لاصحابه علشان يحملوها على جهازهم وده بعد ما يديهم اللنك وبكده عملنا مجموعة لنكات كبيره وكل واحد مننا سجل اللنكات دي على جهازه وكل ما حد في المنتديات يطلب اغنيه اي واحد من الشله بيديلو اللنك ويحملها وكه يعني والله في عون اللعبد مادام العبد في عون اخيه
لغاية هنا كويس وفيش مشاكل....... واحد مننا دخل منتدى صحبه نت ولقيني مشارك فيه بكام لنك .راح سيادته من غير عامل نسخ لكل اللنكات في المنتدى وراح نسخها في موقعكم الكريم باسمي(قال يعني علشان الامانه) وبس ولما اتقابلنا عالماسنجر حكالي الحكايه.طبعا هو ما يعرفش انه عمل خطائين بحسن نيه
اولا ...الاسم بتاع الموضوع مقتبس من الاسم بتاع منتدى صحبه نت يعني الاسم والموضوع دول من تاليف ام مريم اللى هي pepo25 ومن منطلق مبداء الملكيه الفكريه هو كده ظلمها انه خد فكرتها وحطها باسمي
ثانيا خد اللنكات بتاعتها وبرضه حطها باسم غير اسمها يعني من منطلق تفكيرها انه خد مجهودها
وده حقها فعلا مادام هى تعبت في حاجه من حقها تكتب عليها اسمها.
بس يا سيدي ارجو الرؤيه تكون اتضحت..وارجو ان حضرتك تساعدني في تصليح الخطاء علشان هى متزعلش لانها انسانه
حساسه جدا . وسبق قبل كده وحصل معاها نفس الموضوع بس من عضو تاني وهي زعلت جدا جدا...
فارجو سيادتك ان انا ممكن ابعت الموضوع تاني بس بالاسم اللى هى مشتركه بيه في المنتدى بتاع حضراتكواpepo25
وتحط الموضوع باسمها وتحذف المشاركه بتعت صاحبي اللى كتبها باسمى وبكده يبقى ليك جزيل الشكر
اسف اني صدعتلك دماغك ..سامحني ولكن ارجوك ماتنساش الموضوع ده ........متشكر وربنا يخليك لينا.

انا بشكرك انك مش عايز حق حد ولا مجهود اى حد يضيع

ده كان اولا

ثانيا بقى :

انا الصراحة تهت فى كلامك جدا وبصفتى انسان عملى بعد ما قريت الموضوع عايز منك حاجة واحدة بس

1-
2-
3-

حددوا مطالبكم كأنكم خاطفين بطلة الفيلم

بجد اكتبلى اللى انت عايزه فى شكل نقط محددة وانا هعملوهلك ان شاء الله

وده كان ثانيا


اما ثالثا بقى وهى الاهم : هات صحابك وشلتك كلها

وياريت يسجلوا فى الموضوع هنا واحد واحد لاننا محتاجين مشرفين مجتهدين فى كل الاقسام وواضح انكوا صحاب جدعة

تعالوا عرفونا بنفسكم ى الموضوع ده واكتبوا اسمكم فى مؤسسى الموقع

واحنا فى البداية ومحتاجين كل عضو كويس

تحياتى ليك