مستر بوبس : مين مين؟ رد انت مين؟


الوردة الحمراء : انا الوردة الحمراء يا مستر البس النظاره


مستر بوبس: لما نلبس . نور انتى هنا طول عمرك محترمه والله امال فين الباقيين


الوردة الحمراء: محدش جيه لسه

no girls: صبح صبح واغسل وشك بوبس عمره ما هيغشك

مستر بوبس: انت بتعمل اعلان صابون يا ابنى اخلص ادخل

no girls: ازيك الوردة الحمراء

الوردة الحمراء: الحمد لله كويسه

فتاه الشــاطئ: انا جيت انا جيت طبعا فرحانين

مستر بوبس: حمد اله على السلامه لسه بدرى اقعدى فى مكانك اخلصى


فتاه الشــاطئ : طيب لما نشوف اخرتها فى اليوم اللى باين من اوله ده


مستر بوبس: انتى بتقولى حاجه يابت


فتاه الشــاطئ : لا ولا حاجه ( فى سرى بت تبتك )


رووونه: احلى مساء واجدع مساء على الجدعان الكويسه


مستر بوبس: انتى شرفتى



رووونه: امشى لا امشى لا ظحيح امشى


مستر بوبس : ازاى ياختى دااحنا بنشوفك مره فى السنه وانت عاوزه تحرمينا من الطلعه الزفت دى قصدى البهيه


love is all : بيشاور بايده



مستر بوبس : مالك ياض ايه اللى فشفشك كده


love is all : بقولك ايه هى مش نقصاك انت كمان


رووونه: انت مش هتحرم ياابنى



love is all:حتة بنت ياابنى جمال ايه ودلع ايه وصوت ايه وحلاوة ايه


فتاه الشــاطئ : وعضلات ايه هههههههههههه



love is all : لا مش هى ده اخوها وما ادراك مااخوها



فتاه الشــاطئ : احسن علشان تحرم



مستر بوبس: ايه الشىء الاسود اللى داخل ده ايه ده



no girls : دى الصندوق الاسود


bahaa0599: دى فتفيتو سكر

مستر بوبس: ومالها عامله فى نفسها كده



ايــــمــــــى: علشان التار



مستر بوبس: تار !!!


ايــــمــــــى : اه الصعايده عايزينها حيه او ميته بسبب النكت اللى بتقولها عليهم



ايــــمــــــى: تستاهل ياما قلنلها بلاش الصعايده وهى مصممه تشيل بقى



ايــــمــــــى : اهى جت



فتفيتو سكر : سلامو عليكم عملتى اللى قلتلك عليه رووونة

رووونة : كله تمام



فتفيتو سكر : شوفتى كل بطايق الاعضاء واطمنتى ان مفيش فيهم حد صعيدى



ايــــمــــــى : كله تمام اطمنى



امير الدهاء : ازيكم شو اخباركم انجاءالله تجونو بخير


مستر بوبس: ايه اللى انت ماسكه فى ايدك ده ؟ ومالك ياض بتتكلم كده


امير الدهاء : اصلى اتعرفت على بت قطريه امبارح على الشات انما ايه قطريه قطريه


مستر بوبس: الشات اها كويس كويس اجرى ياحبيبى اقعد مكانك واعدل لسانك بدل مااعدلهولك


AntiGirlZ : سمو عليكم سمو عليكم


مستر بوبس: انتى هتغنيلى ياختى اترزعى فى مكانك



AntiGirlZ : الله الله ايه الغلط ده بقى


ZOZO : نعم ياحبيبى نعم انا بين شافيفك نغم ايامى قبلك عدم وايامى بعدك ندم
اللجنه كلها :الله يا ســـــــــــــــــــــــــــــــــــــــــــــــــ ــــــــــــــــت


مستر بوبس: اخرسوا ياغجر . انت جيت يا ZOZO انت جيت ياعم المطرب اتفضل ياخوى على المسرح قصدى فى
ديسكك


MR.ROMEOO : ميزاء الخير. ايه ده هو انا جيت بدرى ولا ايه . ولا انهارده اجازه . الله الله وبعدين انا هقعد واستنى لما يجوا امبارح ولا اروح اوف وبعيدين



مستر بوبس: لا حول ولا قوة الا باله انت ايه ياابنى انت لسه مافوقتش من ساعة ماشفتك السنه اللى فاتت فى اللجنه
MR.ROMEOO: اللللللله ايه ده الوقت عدى بسرعه كده وجيتوا ده انا كده بقالى زمان هنا




مستر بوبس: قعده فى مكانه يا امير
رامى : هاى


مستر بوبس : هاى ونص


اللجنه كلها: حبيبى قرب بص وبص بص زعلان ازعل نص نص نص


مستر بوبس : اخرسوا اخرسوا ياغجر هتجننونى


ZOZO: انت مش ابنى انت لقيط حسن يوسف هو اللى ابنى احنا لميناك من فصاصيح الزباله


مستر بوبس: ايه يابت انتى جيتى وايه جيتى مجنونه رسمى



رامى: لالالا دى بتقدم فى تيست علشان تمثل فى فيلم وقالولها انها هتعمل الدور اللى هى بتقوله ده


مستر بوبس: والله لايق عليها


عـا شقـــة الاهــلى: انا هنا هنا ياابن الحلال لا عايزه جاه ولا كتر مال



مستر بوبس : الدويتو كمل جنب اخوكى ياختى ياللا غنوا وردوا على بعض



bely999: احم احم قومى يابت قعدينى



فتاه الشاطى : بت تبتك


مستر بوبس : ايه ياعم مفيش سلامو عليكم



bely999 : مفيش



مستر بوبس : طيب طيب



مصطفى امين : هو فين هو فين ؟


مستر بوبس: مين ياابنى


مصطفى امين:weldomran




مستر بوبس: ماله


مصطفى امين : خطف سندوتش الطعميه وجري



مستر بوبس : معلش هجيبلك غيره هو وحش معلش



مصطفى امين : طيب هات 50 جنيه


مستر بوبس: قصدك خمسين قرش


مصطفى امين : ليه هجيب اكل لفرخه دانا حتى خاسس اوى


مستر بوبس: لا واضح يابابا واضح انا خايف تاكل الاعضاء



مشمشة: استغفر الله العظيم استغفر الله العظيم


مستر بوبس: مالك يابنتى


مشمشة : ليه هو ايه اللى حصل فى الدنيا


مستر بوبس: فى ايه يابنتى


مشمشة: كيلو اللحمة 35 جنيه ليه ايـــــــــــــــــــــــه مش واكلاها والله ماأنا وكلاها


مستر بوبس: ماتزعليش نفسك انا اجيبلك بس اقعدى خلصينى



مستر بوبس: امال فين Dr.Blue


مشمشة : بيتخانق تحت


مستر بوبس: بيتخانق !! مع مين؟؟ وليه؟؟



مشمشة : مع سواق التاكسى علشان عايز 15 جنيه وهو حلف مايدفش غير جنيه وربع



مستر بوبس: وانتى سبته



no girls : ساب مين ياعم دا Dr.Blue



Dr.Blue : ايه؟ مين جايب سيرتى


مستر بوبس: والله مانا



Dr.Blue : يبقى احمدH امين كوبرا انا عارفاه لسانه طويل وشكله كده متعود كل امتحان على نفس العلقه ما يعرفش يحل الا اذا اخدها


احمدH : واد انته


Dr.Blue : ايـــــــــــــــه



احمدH : لا ابدا ولا حاجه



Dr.Blue : بحسب



Mr.Shekabala,: هالوووووووو



مستر بوبس : هالو ورحمة الله وبركاته . ايه اللى فى ايدك ده . هو مش ده امتحان



Mr.Shekabala,: ده مش كتاب دى مجله


مستر بوبس : اه مجله معلش . مجله!!!!!


Mr.Shekabala, : اه بتتكلم عن تسريحة شعر كاشيرا فى الكليب الاخير



مستر بوبس: تسريحة مين؟؟



Mr.Shekabala,: قصدىكاشيرا


may: قصدها شكيرا



Mr.Shekabala: ايوه هى دى


مستر بوبس : طيب انتى هتحلى انهارده ولا تقرى ولا ايه



Mr.Shekabalaتونا : انت بتقول ايه يامستر اقرا ولا احل. ده امتحان . هقرا فى المجله طبعا
مستر بوبس : هتجننونى


اللجنه كلها : سلامتك من الجنان يــــــــــــــــــــــــــــــــــــــا مستر



مستر بوبس : امال فين: مكسور الرقبه


اللجنه : مين



HUSSIEN FOUAD: هههههههههههههه ميدو( انا يعنى)

مستر بوبس: هو فى غيره


HUSSIEN FOUAD: معرفش بس هو امبارح كان فى القسم



مستر بوبس : قسم !! ليه؟؟


HUSSIEN FOUAD : وانا ايش عرفنى


ميدو: ايه هو الامتحان خلص ولا ايه


مستر بوبس: انت جيت يارد السجون


ميدو : وليه التسيح ده بس



مستر بوبس : انت لسه شفت حاجه



ميدو : خلاص خليك حلو


مستر بوبس: انت جى متاخر ليه


ميدو : اها قلتلى ااقول ولا بينى وبينك احسن


مستر بوبس: ليه بينى وبينك قول علطول


ميدو : طيب انت اللى قولت ااقول. اصلى امبارح جيه ادامى ورق اللى هاربين من التجنيد اللى من المنصوره وببص لقيت



مستر بوبس : جنتله حبيبى ياللا اقعد ده احنا مستنينك مش عايزين نبداء الا لما تيجى


ميدو: والله طيب



مستر بوبس: فى حد ناقص كده


اللجنه : لاءه



مستر بوبس : كله موجود


اللجنه : ايــــــــــــــــــــــــــــوه



مستر بوبس: ياالا كله يطلع اقلامه


اللجنه : معناش


مستر بوبس: خدنى يارب لاتخدهم

ميدو : اهدىء يامستر انا عامل حسابى جايب لكل واحد مقلمه وب70 جنيه بس

استنوا لسه فى اجزاء تانيه
الجزء الللى جاى هتشوفو ايه اللى هيحصل فى الامتحان ومين هيغش ومين هيرفض يغش ومين هيحط منوم لمستر بوبس ومين هيحشش فى اللجنه
كفايه مش عايز احرلقكم الجزء اللى جاى
ياجماعه محدش يزعل احنا بنضحك مع بعضينا
ملحوظة اخيرة يا جماعة لو نسيت حد وحابب يشترك فى الاجزاء الجيه يقولى ولو فى حد زعل برضو يقول احنا اخوات

بس انا عاوز الردود علشان لو الموضوع كويس استمر

مع السلامة بقى