السلام عليكم
بصو ياجماعة انا جايب لكم انهاردة مجموعة من امثالنا الشعبية بتاعة زمان يارب تعجبكم فى الحقيقة انا عندى كتير قوى بس هكتبهم على مراحل وعايز تشجيع منكم على الاقل اعرف ان الموضوع عجبكم ولو بابتسامة حتى يعنى نبدا على بركة الله يلا بينا:-

• المغلوب مغلوب وفي الآخر يضِّرب بالطوب.

• بختي لقاني في الطريق يعرج قاللي ارجعي ياخايبة لارقد.

• قلت لبختي أنا رايحة اتفسح قاللي وانا مانيش مكسح.

• قلت لبختي أنا رايحة للجيران قال وأنا مانيش تعبان.

• قلت لبختي أنا رايحة لأهلي قال وأنا أمشي واحدة واحدة على مهلي

• نحسها معها معها منين ماتمشي يمنعها.

• جارية تخدم جارية دي داهية عالية.

• في حزنهم مدعية وفي فرحهم منسية.

• قسموا القسايم خدت أنا كومي قالوا مسكين قلت من يومي.


• الأعور وسط العميان ملك.

• اللي عنده عيش وبله عنده الفرح كله.

• الأكلانه تولد مية وتقول ياقلة الذرية.

• لما اتفرقت العقول كل واحد عجبه عقله ولما اتفرقت الأرزاق محدش عجبه رزقه.

• لقمة تحت الحيطة ولا خروف بعيطة.

• إن صبرتم أجرتم وأمر الله نافذ وإن ما صبرتم كفرتم وأمر الله نافذ.

• إن صبرتم نلتم وأمر الله نافذ وإن ما صبرتم قبرتم وأمر الله نافذ.

• اصبري ياستيت لما يخلي لك البيت.

• خليك في عشك لا ييجي حد يهشك.

• ياقلبي ياكتكت اسمع الكلام واسكت.

• اللي يحب الدح ميقولش أح.

• اصبر على جار السوء يا يرحل ياتجيله داهية.

• كلها شهر وشهير والتاني قصير.

• إن كان لك حبيب وبدك تتقيه لا تاخد منه ولا تديه.

• من حبنا حبناه وصار متاعنا متاعه .. ومن كرهنا كرهناه يحرم علينا اجتماعه.

• مكتوب على ورق الحلاوة .. ما محبة إلا بعد عداوة.

• يخانقني في زفة ويصالحني في عطفة.

ولسة فيه كتيييييييييييييييييييييييييييييييييييييييييييييييييييير

جميله جدااااااااااااااااااا تسلم ايدك على المجهود الرائع ده يا ...................

ربنا يخليك ياسمو الامير دى حاجة بسيطة جنب مواضيعك الجامدة وانتظر منى المزيد باذن الله

بجد جميل يا أحمد
تحفة ومنهم كثير كنت مش هفهمهم
وكمان كتير مش عرفهم
اية يابنى الحلوة دى
اكمل وملكش تعوه بحد انا معاك

جميلة اوى وتسلم ايدك بجد

ومنتظرين منك المزيد

ميرسى مشمش على مرورك واوعدك انى هنزل كتير قوى

ودى شوية يارب تعجبكم

• جارنا السو ما ارضاه كل اللي معانا كله واللي معاه خباه.

• الشاطرة تقضي حاجتها والخايبة تنده جارتها.

• اللي ما يسمع كلام والديه يالطمة على خديه.

• الملك من هيبته بيتشتم في غيبته.


• في الوش مراية وفي القفا سلاية.

• أبو وشين يلعب على الحبلين.

• زي المش كل ساعة بوش.

• إن لقيت بلد بتعبد عجل .. حِش واديله.

• طاط رأسك ما بين الروس وإلا الماشي عليك يدوس.

• إن قابلك السفيه داريه بما فيه .. وهات كحكة بسكر وهاديه.

• علشان بطنه حلقوا دقنه (رضى بالإهانة).

• اللوح قال للمسمار : انت قلقتني . قال المسمار: لو كنت تعرف الدق اللي على راسي كنت عذرتني.

• اترك الهم ينساك .. تلقى سعدك وتنسى اساك.

. بدل ما اقول للعبد يا سيدي اقضي حاجتي بايدي.

. بدل ما تغشه قول له في وشه.

. بدل ما تقعد وتتجسطن اتكلم واتوسطن.

. تعاتب الدنىء تكبر نفسه.

. خد الأصيلة ولو على الحصيرة.

. ربك رب العطا يعطي البرد على قد الغطا.

. شورة المرة إن صحت تخيب النص.

. شورة المرة ترجع سنه وره.

- قليل البخت يعضه الكلب في المولد.

- اعمى يقول لأعمى .. صدفه سعيدة اللي اجتمعنا.

- عايبة بتعلم خايبة.

- فاتت عجينها في الماجور .. وراحت تضرب الطمبور.

. بفلوسك بنت السلطان عروسك.

. المنوفي لا يلوفي ولو أكلته لحم الكتوفي.( الكلام دا غلط)

. إذا اخدت من الحمار صوف تاخد من المنوفي معروف.(الكلام دا غلط ماحدش يصدقوا)


. اللي يعرف ابويا يروح يقوله واللي كاتب كتابي يروح يحله.


ولسة فيه كتير ..................................................................

حلوه بجد

تسلم ايدك يامستر Mr.POPS على التعديل

انا متشكر ليك جدااااااا وانشاء الله هانزل الباقى فى اقرب فرصة

تسلم ايدك بجد

اول مرة اسمع كتيير

منهم بجد جميلة

نورتى الموضوع يا ايمى