الموضوع عبارة عن اننا نختار واحد من الأعضاء ونقعده على حاجة زي كرسي الاعتراف ونساله خمس اساله وهوه لازم يجاوبها وطبعا من غير زعل ومن غير إحراج وبعد ما يخلص دوره يختار عضو تاني يقعد مكانه علي الكرسي ده وبرضه يتسال خمس اسئلة وهكذا وهكذا وهكذا ونشوف بقي الناس دي تفكيرها إزاي ويلا بينا نبدأ

ونقووووووووووووووووووووووووووول



أول عضو على الكرسي هووووووووووووووووووووووووه


elrewesh007


يلا يا جماعه عاوزين نسأله أسئلة جامدة طحن

الله على افكارك يا دانى

حلو التوبيك موت

واول ضحية طلع روش

(الله يكون فى عونه)


س: مين اكتر حد قريب ليك فى المنتدى ؟

جاوب يا باشا

انت ممكن تتعصب بسرعة ؟

اية بقى الى بيعصبك ؟

انجرحت قبل كدة ؟ اية الى جرحك ؟

منور ياروش والله

منور يا سامى وياريت تنزلنا بطاقة تعارف عنك

وهنخليها من غير الاسئلة العادية بتاعة المواضيع دى

لا مفر خلاص

انتو الى منورنى والله بس بلاش اسالة صعبة خلينا فى السهل

وبالنسبة لكرت التعارف فجارى تظبيطة


نجاوب على الاسئلة بتاعتكو الى فضحانى دى على طول

سؤال العسولة دندونة
س: مين اكتر حد قريب ليك فى المنتدى ؟

بصراحة السؤال دا صعب الاجابة علية لان كل الى فى المنتدى قريبين منى بجد وباعملهم كأنهم اخواتى

وو لو عايزين اسماء يبقى هكتب اسماء كل اصحابى الى فى المنتدى .

ونيجي لسؤال الاخت الحبيبة الغالية ايمي

انت ممكن تتعصب بسرعة ؟

بصراحة اه بس فى بعض الحالات

اية بقى الى بيعصبك ؟

بصراحة الى بيعصبني انى اكون بكلم واحد وبيسوق الغباء معايا او يعصبنى فى كلامة
او واحد يتنك عليا و يكلمنى بأسلوب تعالى و تظاهر ساعتها ممكن

السؤال دا بصراحة يعنى .......... بس هجاوبة باختصار
انجرحت قبل كدة ؟ اية الى جرحك ؟

اهاا اتجرحت قبل كدا . كنت بحب واحدة وقفشتها مع واحد تانى . بس

انتو الى منورنى والله ويارب تفضلو ديما معانا

ياجامد ياروش هى دى الاجابات يا راجل
ههههههههههه

لا بجد كويس انك اخيرا جاوبتنا (قال يعنى قال حاجة)

ايه يا عم الرد الدبلوماسي ده


شكرا علي الرد يا صحبي


ومنورني باختصاراتك


هعهعهعهعهعهعه



اختار حد مكانك بقي يا عم

عايزين تدبسونى دا بعدكو

وانا من مكانى هذا وبعلنها على الملئ وعم بختار العضوة ( ايمــــــــي )

ونسأل ونقوووووووووووووووووووول



ياااااااااااااااااا



ايمي



ظلمتي حد قبل كده ؟


وايه اكبر غلطة ندمانه عليها في حياتك ؟

يا اخيرا ايمى

اسال بقى


قوليلى 5 صفات من صفاتك ؟

اكتر ممثل بتحبيه ؟ وليه؟

ايه هى معنى الرجولة بالنسبالك ؟

معلش يا ايمى بس جاوبى يا قمر بقى

منورة يا ايمى الكرسى

ايه اكتر عيب فيكى ؟

ايه هدفك فى الحياة ؟

بتحبى صداقه الولد ولا البنت اكتر ؟؟؟؟؟؟؟

انا اية الى جابنى هنا

منة لة بقى للى كان السبب

ههههههههههههه

ماشى ياجماعة هجاوب بس براحة عليا


اولا دانى


ظلمتي حد قبل كده ؟

اةة


وايه اكبر غلطة ندمانه عليها في حياتك ؟

انى ظلمت الحد دة ( ههههههههههه )



بعد ذالوكا دندونة


قوليلى 5 صفات من صفاتك ؟

اولا محدش بيعرف يصف نفسو

بس مش عارفة انا ممكن اشوف انى

بحب الناس

بحب اوى اخدم اى حد يكون محتاجلى ولو

معرفتش ببقى متعفرطة

وطيبة لدرجة انى بيضحك عليا كتييييير

وقلبى طيب ممكن اسامح بسهولة

بس لو اتوجعت اوى ببقى وحشة ومش بعرف اسامح

وفيا عيوب كتير

انى مش بحب احس انى ندمانة

ودة غلط لان الانسان لازم يندم عشان يعرف

انو غلط

ومجنونة اوى على فكرة يعنى ممكن اعمل اى حاجة

ههههههههههههههههه

وفيا حاجة مش عارفة هى صح ولا غلط

بحب الناس الى بحبهم يبقى حواليا على طول

وبزعل لما بيختفو مرة واحدة

اكتر ممثل بتحبيه ؟ وليه؟

انطونيو بانديراس بحس فية برجولة كدة متعرفيش كدة فى جاذبية

هههههههههههههه

ايه هى معنى الرجولة بالنسبالك ؟

الرجولة يعنى احتواء وانى احس انى فى امان

مع الانسان دة

وانى ابقى عارفة انى فين مااحتاجتلو هلاقية وهيبقى قد

المسئولية دى

اى خدمة ياقمر


بعد كدة القمر مونى


ايه اكتر عيب فيكى ؟

انى متسرعة اوى وممكن اخسر اى حاجة واغلى

حاجة عندى بسبب العيب الوحش دة

ايه هدفك فى الحياة ؟

والله انا من زماااان نفسى

اعمل مشروع انا وصحابى ونبقى مع بعض

ونشيل المسئولية شوية


بتحبى صداقه الولد ولا البنت اكتر ؟؟؟؟؟؟؟

لا انا عن نفسى اغلب اصحابى المقربين شباب

لكن البنات قليلة اوى لانى اتقرصت منهم كتيييييير

بس انا اقرب صاحبة ليا والوحيدة هى مشمشة

الى بجد مقدرش استغنى عنها

ودة من وانا صغيرة على كدة لحد اما بقيت زيهم

خايفة بقى لبكرة امشى اعاكس البنات فى الشارع

هههههههههههههههههههههههههههه
اى خدمة حد عايزنى تانى

ولا امشى

اية دا يابنتى دول عصروكى هههههههههههههههههههههههههه ياخراشى دول مصدقو اهاتك يا اسألة

انا اسالتى خفيفة جدا وبسيطة ومفيش فيها لا عصر ولا حاجة

لما يحصلك مشكل ياترى بتواجهيها ولا تفضلى انك تهربي منها ؟

ولما تزعلى من حاجة تفضلى تقوليها لحد قريب منك ولا تحتفظى بيها جوة نفسك ؟

محستيش فى يوم ان كل الى بتعملية غلط ؟

كنتى بتحبي واحد اوى اوى جدا وبعدين اكتشفتى انة كان بيخدعك وانة كان بيتسلى تعملى اية ؟

بح كفاية كدا

انت ربنا مش هيسامحك على فكرة

ههههههههههههههههههههه

لما يحصلك مشكل ياترى بتواجهيها ولا تفضلى انك تهربي منها ؟

لا بص انا ببعد شوية عشان متصرعش فى حلها

ولما تزعلى من حاجة تفضلى تقوليها لحد قريب منك ولا تحتفظى بيها جوة نفسك ؟

لا انا اى حاجة بتزعلنى بروح جرى اقولها لمشمشة

عشان هى اقرب حد ليا وبصراحة احنا الاتنين بننفع بعض

اوى فى اننا بناخد رائ بعد وبنحاول ننفز وجهة النظر الصح

محستيش فى يوم ان كل الى بتعملية غلط ؟

لا هو مش كل الى بعملو هو ممكن تحس انك عملت حاجة

غلط ومش عارف تصلحها لحد دلوقتى لكن

كلو مفتكرش فى حد كدة اصلا يبقى عايش لية

يعنى مغمض

كنتى بتحبي واحد اوى اوى جدا وبعدين اكتشفتى انة كان بيخدعك وانة كان بيتسلى تعملى اية ؟

انا كدة ممكن ادمر لانى بجد مقدرش استحمل الى انت بتقولو دة

فعلا يبقى كان حد بيكرهنى اوى لو عمل فيا كدة

وعمرو ماحبنى وهو الى هيخسر مش انا

حاجة تانى

ولا اختار هااا

الااونا الادوى

هااا نقول ولا اية



بح كفاية كدا

يابنتي عايزه تتسالي تاني ولا ايه اختاري بقي

ايه يا ايمي


ده انتي حمالة قسية بجد


كل ده


يلا بقي يا جميل اختاري حد بعدك بقي


علشان تعرفي تهربي بس

نقول مين بقى اممممممممممم

يالا ياسي دانى

منة لة

هههههههههههههههههههه

يلا ايه ؟


ارغي لوحدي يعني

ويقولوا عليا

مجنووووووووون


طب حد يسأل وانا مش هجاوب



هعهعهعهعهعهعهعهع

ابتدى انا يا دانى
واسالك سؤال بسيييييط خالص

ايه اكتر مشكله حصلتلك فى حياتك ؟؟.واتصرفت فيها ازاى؟؟؟؟؟؟؟

واوعى تقولى محصليش مشاكل ....




تفضل بالاجابه يا دانى....كلنا اذان صاغيه...

اولا اي مشكلة بتحصل للانسان مهما كانت بتعتبر بالنسبه له مشكلة حياته

بس انا هقول علي مشكلة كبير ة حصلت لي في حياتي وطلعت عيني

المشكلة دي كانت اول مرة انزل فيها في كليتي ( وطبعا عارفين انزل يعني ايه )

المهم روحت الكلية وشوفت النتيجة اي نعم انا كنت متوقعها بس مش بالشكل ده

فكانت مشكلتي ازاي ابلغ الحكومة ( اهلي ) طبعا فكرت وفكرت وفي الاخر وصلت

دخلت البيت وبنبرة بؤس وشقاء وتعاسة وغضب وغباء قلتلهم ( انا سقطت )

طبعا نظرة بؤس علي وش كل من سمع الخبر وانا مش اديتهم فرصة يعلقوا يعني من الاخر دخلت اوضتي وقفلت الباب لمدة ساعتين ومرتش ارد علي حد وطلعت برة البيت الساعه 12 بالليل ورجعت الساعه 4 الفجر وتاني يوم عديكم علي اللي حصل

ودمتم


اللي بعده

هعهعهعهعهعهع

متخيليين كلنا عملوا فيك ايه


هههههههههههههههههه


اسال بقى


( عايزين نحرجه يا جماعة بقى )


مرتبط ولا لا ؟

وايه معنى الحب بالنسبالك ؟


( بلاش تدعى عليا جاوب واهى مرة وتعدى )
ههههههههههههههههه

انا بقي ليه سؤال
هههههههههه
ايه اكتر حاجه تضايق في البنت اللي هترتبط بيه وتتمني انها متعملهاش خالص
منتظرين الرد علي نااار
ههههههههههههههههههههه

وانا ليا سؤال

ايه اكتر عيب فيك نفسك تغيرة ؟

ايه اكتر حاجه تشدك فى الشخص اللى قدامك؟

يلالالالالالا يا دانى عايززين صرراحه

اية الحلم الى انت بتتمنى تحقيقة فى حياتك ؟

واية اكتر حاجة انت خايف منها فى بكرة ؟

نفسك تعمل اية لبكرة ؟

بس وكفاية كدة عليك

ههههههههههههههه

المفروض خمس اسئلة بس هرد وامري لله

نبدأ بالاخت ندي

ايوه يا ستي مرتبط وبحبها جدا

والحب بالنسبة ليا : انسانه بتخاف عليا وتحافظ عليا وانا كمان اخاف عليها واحافظ عليها واستقرار في الحياة .. وبس مؤقتا .



الأخت نينوووو

اكتر حاجة تضايقني في البنت اللي بحبها انها تكون انانية ( بمعني تكون بتفكر في نفسها بس وتحاول تلغي الانسان اللي بيحبها ) ... مؤقتا .



الاخت موني

اكتر عيب في نفسي اني بحب اهذر كتير حتي في مواقف مينفعش فيها هذار وده مش هبل بس مش بحب اشوف حد زعلان قدامي حتي لو ده هيسبب ليا مشاكل بس لازم اخرج اللي قدامي من الحالة دي .

واكتر حاجة تشدني في الشخص اللي قدامي ( طبعا عقله وتصرفاته ) .


الاخت ايمي ( منه له هيه السبب في وجودي هنا )

الحلم بتاع حياتي طبعا اسرة وبيت واستقرار بس اهم حاجة يكون مع البنت اللي بحبها .... وكفاية

اكتر حاجة خايف منها في بكرة كل حاجة يعني خايف ابعد عن اي حد بحبه ,. خايف ان اي حد يزعل مني ... خايف الزمن يسرقني ومعرفش اسعد الناس اللي بحبهم .. خايف من حاجات كتير جدا ... بس الحمد لله كل شيئ بيهون .

اظن كده كفاية عليا حاسس ان انا كنت قلت كل حاجة


نقوووووووووووووووووول دندونا بقي


مرتبطه ولا لا ؟

اكتر حاجة بتعجبك فيه ايه ؟ ( ده لو فيه يعني ) .

اسلخوهاااااااااااااااااااااااااااااااااااااااا

وسؤالين منى ليكى


ايه اكتر صفه تتمنى انها متكونش فى اللى هترتبطى بيه..؟؟.



وايه حلمك اللى نفسك تحقققيه؟؟؟

حلاوتك يا رودي


اديهااااااااااااا


وانا هسال كمان سؤال


تعملي ايه علشان تحافظي علي الانسان اللي بتحبيه


هعهعهعهعهعهعهع


شيئ جميل انك تخنق انسااااااااااااااان



ردي ردي ردي

اخخخخخخخخخخخخخخخخخخخخخ
جت فيا

اوكى هرد وأمرى لله


نبدأ بالاخ دانى


مرتبطة ولا لا ؟

اه اللحمد لله ( ايه الاحراج ده )


اكتر حاجة بتعجبك فيه ايه ؟

حنيته وخوفه عليا


ونيجى للقمر رودى ( كله سلف ودين تعملى فى صاحبتك كده ههههههههههههه )

اكتر صفة تتمنى متكونش فى اللى هترتبطى بيه ؟


انه يكون انانى او ديكتاتور فى أراؤه


ايه حلمك اللى نفسك تحققيه ؟


نفسى اخلص الكلية على خير وارتبط بانسان مقتنعة بيه

ونرجع للاستاذ دانى


تعملى ايه عشان تحافظى على الانسان اللى بتحبيه ؟

والله اانا متهيألى ان مفيش اكبر من حبى ممكن اقدمهوله بس الاكيد انى مش هتنازل عن حبيبى لاى سبب من الاسباب الا لو مكنش لينا نصيب يعنى وممكن اتنازل عنه فى حالة واحدة هى انه يكون عاوز كده

انا بقى احم احم

انتى ازاى حبتية او ازاى عرفتو بعض ؟ ( الله مش لازم نعرف كل حاجة ولا اية )

اول مرة قالك بحبك عملتى اية او اية كان رد فعلك ؟ ( بصراحة )

اية اكتر حاجة بتزعلك منو ؟

اية اكتر حاجة ممكن تخليكى مبسوطة هو بيعملها ؟

اخر مرة خرجتو روحتو فين ؟

مين ااقرب واحد لقلبك من صحباتك ؟

لما بيحصل معاكى انتى وحبيبك مشاكل ممكن تحكى لحد ؟ (بعيد الشر يارب ) لو اةة مين الحد دة ؟

امممممممممممممم

تفتكرى كفاية كدة

انا بقول اةة

وانتى بقى اية رايك

هههههههههههههههههههههههههه

ادي اديله


هوه ده السلخ


بس هيه كده اتسالت كتير قوي يا جماعه


عموما ردي يا دندوووووووووووون

حراااااااااااااااااااااااااام

دى مؤاااااااااااااااااااامرة


بس ولا يهمك يا ايمى هرد وامرى لله


انتى ازاى حبتية او ازاى عرفتو بعض ؟

بصى يا ستى هو يبقى قريب وصديق صحبتى فتعرفنا على بعض صدفة ومن هنا كانت البداية


اول مرة قالك بحبك عملتى اية او اية كان رد فعلك ؟ ( بصراحة )

بصراحة سكت خالص وطبعا كنت فى حالة لا احسد عليها
وكان رد فعلى وكالعادة غيرت الموضوع
هههههههههههههههههههههه


اية اكتر حاجة بتزعلك منو ؟

بجد انا مبعرفش ازعل منه بس الحاجة اللى ممكن تزعلنى الغيرة بس بزعل عليه عشان اضايق مش بزعل منه يعنى

اية اكتر حاجة ممكن تخليكى مبسوطة هو بيعملها ؟

والله انا على طول مبسوطة اللحمد لله وانا معاه بس أكتر حاجة بتبسطنى لما يقر ويعترف مشاعره ناحيتى يعنى ( الله مش لازم يقر ولا ايه )

هههههههههههههه

اخر مرة خرجتو روحتو فين ؟

لا الحقيقة يا ايمى احنا مبنخرجش ومش هنخرج مؤقتا يعنى



مين ااقرب واحد لقلبك من صحباتك ؟

كل صحابى قريبين منى بس اكتر واحدة انتيمتى


لما بيحصل معاكى انتى وحبيبك مشاكل ممكن تحكى لحد ؟ (بعيد الشر يارب ) لو اةة مين الحد دة ؟

بصى انا مبحكيش ومبحبش حد يدخل بينا بس لو فرضنا انى هحكى لمجرد الفضفضة فهحكى لانتيمتى برده ( ربنا يخليهالى )



وبعد ما سلختونى وقررتونى

لازم نختار ضحية جديدة


مين


مين


مين


هى رودى مفيش غيرها

( اقرى واعترفى يا هالة بقى هههههههههههه )

حلوة الفضايح دي يا دندووون


هعهعهعهعهعه


ويلا يا رودي ورينا الفضايح


وانا طبعا اول سؤال


مرتبطه ولا لا ؟

ايه مواصفات الشخص اللي بتحبيه ( ده لو مرتبطة ) .. لو مش مرتبطه ادينا مواصفات خاصة للشخص اللي ممكن ترتبطي بيه


مين اكتر واحدة من صحباتك ممكن تلجأي ليها في وقت ضيقتك

ولسه دي فرصتي

هعهعهعهعهعهعه

اية رايك فى حب النت ؟

هو انتى معاة ولا ضددة ؟

حبيتى مرة من على النت ؟ لو اة طيب ازاى ؟

اكتر عيوب هالة اية ؟

لكن اكتر ميزة هى ؟

هاله حبيبتى

ايه الحلم اللى بتحلمى بيه ونفسك يتحقق؟؟؟؟؟؟؟؟؟؟؟؟؟؟؟

ايه القرار اللى اخدتيه وندمتي عليه؟؟؟؟؟؟؟؟؟؟؟؟

يلالالالالالالالالالالالالا يا لولا

دورى بقى

أصعب قرار خدتيه ؟

اكتر حد كرهتيه ؟


أكتر حد نفسك ترجعى ايامك معاه ؟

بئا تيجى منك انتى يا دوندون

ماشى يا صديقتى

المضطر بئا....


نبدا بالمفترى الاولانى دانى ......
1-مرتبطه ولا لا ؟

لاء ..ومش عايزه.ومش بفكر.الحمد لله رب العالمين...

2-لو مش مرتبطه ادينا مواصفات خاصة للشخص اللي ممكن ترتبطي بيه ؟؟

اولا يكون متدين علشان لو بيعرف ربنا كويس هيتقى ربنا فيا ويحافظ عليا

يكون بيحب اهله علشان يحبنى برضو

يكون بيحبنى بجنون ويخاف عليا من الهوا

ميكونش بخيل

ميكونش بيشرب سجاير

ويكون حاجه افتخر بيها ادام اهلى

بس كده .....

3-مين اكتر واحدة من صحباتك ممكن تلجأي ليها في وقت ضيقتك ؟؟؟

هما اتنين .....نينوووووو......واميره

.....................

وندخل بئا ع ايمىىىىىىىىىىىى

4-اية رايك فى حب النت ؟
بصراحه يا ايمى مش مقتنعه بيه خالص
اصل بالنسبالى الحب ده كلمه كبيره جدا وليها معانى كتيره جدا
الحب مسئوليه ورعايه واهتمام وامان وخوف
انا بئا مش شايفه ان حب النت بتتوفر فيه كلمه الحب
هو يمكن تقولى اعجاب لكن حب بجد دى من رايى صعب اوى
........................
5-هو انتى معاة ولا ضددة ؟

ضده.....
....................

6-حبيتى مرة من على النت ؟ لو اة طيب ازاى ؟
لاء بصراحه حب لاء بس ممكن تكون صداقات ...انا كونت صداقات بجد كويسه وبستفيد جدا منهم وبنشارك بعض فى اى مشاكل بئا ربنا يخليهم يا رب.......طبعا انا عارفه انى هتقولوا ugdh انى معقده اوى بس والله دى مش عقد بس يعنى شويه حرمانيه ع حبه عادات وطقوس اتعودت عليها ....


7-اكتر عيوب هالة اية ؟
انى متسرعه جدا .......
واللى فى قلبى ع لسانى وده بيسببلى مشاكل كتير اوى

8-لكن اكتر ميزة هى ؟

بعرف اشخص اوى اللى قدامى الحمد لله من اول مره اكلمه فيها .....


وندخل ع مونى يا حبيبتى ....هوريكى ...
9-ايه الحلم اللى بتحلمى بيه ونفسك يتحقق؟؟؟؟؟؟؟؟؟؟؟؟؟؟؟

نفسى بجد اكون اركيولوجيست كبيره ويفتخر بيا اهلى .نفسى اكون حاجه بجد

10-اايه القرار اللى اخدتيه وندمتي عليه؟؟؟؟؟؟؟؟؟؟؟؟

انى ذاكرت كويس فى ثانوى ودخلت كليه الاثار........بس بحاول احبها والله واثبت فيها نفسى ......

اه منك يا دوندون....
11-أصعب قرار خدتيه ؟.ايه حكايه القرارت معاكوا ....
هو نفس القرار اللى ندمت عليه
لما قررت انى ادخل اثار ..مكنتش متخيله نفسى فيها خالص

12-اكتر حد كرهتيه ؟
بصى هو انا مش بعرف اكره اكره يعنى......بس ممكن تقولى زعلت اوى لدرجه انى مش اكلمه تانى..
وهى واحده صحبتى طلعت مش كويسه....


13-أكتر حد نفسك ترجعى ايامك معاه ؟
اخويا ...اصله اتجوز ومش بئا يخرجنا زى الاول...بجد عمرى ما انسى ايامه....

اسفه طولت اوى عليكم بس والله الاسئله كتير اوووووووووووى........

وبكده تبئا خلصت حلقتنا
واتتركم مع عضوووووو جديد


وهو العضو المحبوووووووووووب














ميجووووووووووووووووووووووو......

اتفضل يا ميجوووووو.....اشجينا......

هو شكله مش بيجى هنا كتير...زبس هاتوه من اخر الدنياااااااااااااااااااااااااااااا.....وعيزاكوا تقرروه........

هوه ده الشغل

يلا يا واااااااااااا......... ( اكمل باقي الكلمة )


تعالي لحمو يا واااااااااد


اتخدعت قبل كده من حد ؟


حبيت قبل كده أو اتحبيت ؟


ايه مواصفات البنت اللي ممكن تحبها ؟


لو خيروك بين حبيبتك او اكتر واحد بتحبه من صحابك هتختار مين ؟


رد يا عم الامور بسرعه

هعهعهعهعهعهعهع


شيئ جميل انك تخنق انساااااااااااااان واااااااااااااااااااا.......( اكمل باقي الكلمة )

ميجو منور والله

ايه اكتر صفة بتحبها فى نفسك ؟


اكتر حد بكيت منه او عليه ؟


أقرب عضو ليك فى المنتدى ؟ ( متقولش كلهم )


اكتر أغنية بكيت منها ؟ وليه ؟

( صحابك وعايزين يطمنوا مش أكتر هههههههههههههههههه )

احم احم


نبدا بسم الله

يلا دانى

تعالي لحمو يا واااااااااد

جيت اهو

اتخدعت قبل كده من حد ؟

لاء بس اكيد منك

حبيت قبل كده أو اتحبيت ؟

حبيت واتحبيت

ايه مواصفات البنت اللي ممكن تحبها ؟

تكون محترمه ومتدينه و بنت ناس

بلس بقا انها تكون جميله و بنت شياكه كده و كلامه يكون زى العسل زى اصحابنا اللى فى المنتدى والحاجات التانيه بقا

لو خيروك بين حبيبتك او اكتر واحد بتحبه من صحابك هتختار مين ؟

بص هما الاصحاب مش بيعمروا كتير وانا جربت كده

لكن الحبيب مش بيتعوض

ده قرارى وراي وبس سيبك بقا من الصديق مش بيتعوض وكلام الفارغ اللى وجع دمغنا ده

وانا مع اصحابى اللى يحبنى احبه وخلاص

ميجو منور والله

النور نورك يا جميل

ايه اكتر صفة بتحبها فى نفسك ؟

انى طموح جدا

اكتر حد بكيت منه او عليه ؟

مافيش الا بابا وانا صغير ( ضربنى )

حد بكيت عليه تقريبا مافيش

أقرب عضو ليك فى المنتدى ؟ ( متقولش كلهم )

رودى صحبتك

اكتر أغنية بكيت منها ؟ وليه ؟

مش ببكى ع االاغانى زى ما قولت قبل كده محدش بكانى

( صحابك وعايزين يطمنوا مش أكتر هههههههههههههههههه

اوك يا دندونه وده عشمى فيكى برده

ونسيت اكمل الرد للمعلم رضااااااااااااااااا


شيئ جميل انك تخنق انساااااااااااااان واااااااااااااااااااا.......( اكمل باقي الكلمة )

شئ جميل انك تخنق انسان وااااااااااااااااااااااااااااثق من نفسه


هههههههههههههههههههههههههههههه
يا واطى

انا لو مارديتش ع الاسئله يبقى انا مساااااااااااااااااااااافر


اوووووووك اوعو تفهمونى غلط

بما ان ميجووووووووو مسافر

يبقي نخللي حد مكانه


ونقوووووووووووول



موووووووووووووووني

يلا يا جميل



يلاااااااااااااااااااااااااااااا

ايه يا مووووووووووووووووونى

انا رجعت وانتى لسه مش جيتى


خلالالالالالالالاص انا مكانك


االلى عايز يسال يسال بسرعه قبل ما اهرب

اوكى هسال انا

شخص على طول فى بالك مش بتنساه ؟

أكتر تجربة ندمت عليها واتعلمت منها ايييييييييييييه ...... احكى بالتفصييييل ؟


لو خيروك بين الماضى والمستقبل تختار ايه ؟ واسبابك ايه ؟


فى رأيك ايه الفرق بين الحب والاعجاب ؟


( انا بس قولت ادردش معاك اوعى تدعى عليا )

ههههههههههههههههههههههههه

اوك يا دندونه متخافيش مش هدعي عليكى هوصى بابا وهو فى العمره يقوم بالواجب

ههههههههههههههههههههه


شخص على طول فى بالك مش بتنساه ؟





أكتر تجربة ندمت عليها واتعلمت منها ايييييييييييييه ...... احكى بالتفصييييل ؟

اكتر تجربه ندمت عليها هى تجربه عاطفيه هى كانت مع واحده زميلتى فى الجامعه

طبعا انتى مستغربه ندمت عليها لييييييييييه

ندمت لانى اديت الامان بسرعه و كان اول حب ووثقت فيها بسرعه جدا

وندمت انى حبيتها لانى عرفت متستاهلش الحب اللى انا حبتهولها

وانت عارفين بيقولوا ان اول حب مش بيتنسى وانا هنساه و نسيتوا فعلا

عارفين ليه نسيتوا لانى اكتشفت انى محبتش اصلا

اتعلمت منها ايه

اتعلمت انى مش اثق فى اى حد بسرعه

ولا اديله الامان ( فى اكتر من كده تفاصيل يا ندى ) منه له اللى كان السبب


فى رأيك ايه الفرق بين الحب والاعجاب ؟

الحب ياستى انك تثقى فى اللى انتى بتحبيه و تخافى عليه و تتمنى تشوفيه كل يوم وكل ساعه وكل دقيقه

و حاجااااااااااااااااااات كتيره اووووووووووى

انما الاعجاب

انك تعجبى بشخصيه حد مثلا

تعجبنى بشكله

تعجبى ب شياكته مثلا كده

والاعجاب بيعقد فتره قصيره لكن الحب اكيد بيطول


ماشى يا دندونه واى خدمه

يلا يا ميجوووووووووووو

اختار حد يقعد مكانك علي الكرسي يا جميل

اختارك يا داااااااااااااااااااااانى

ههههههههههههههههه
كويس يا ميجو انك اخترته
ونبدا بقي
واقولك يا داني يعني ايه صداقه من وجهه نظرك
يعني ايه حب
يعني ايه اخلاص
يعني ايه غدر وخيانه
هههههههههههههه
جاوب بقي علي الاسئله الصغنطوطه اوي دي

يا جماعه انا اتسالت كتير قوووووووووووووي

بس نرد علي نينوووووووووو

ونقوووووووووووول


يعني ايه صداقه من وجهه نظرك

يعني انك تعرف انسان صادق ويكون معاك دايما في وقت فرحك ووقت ضيقك وميخبيش عليك عيوبك وينصحك لو لزم الامر

يعني ايه حب

يعني علاقة بين اتنين يخافوا علي بعض ويحسوا ببعض ويحترموا بعض ويحافظوا علي بعض

يعني ايه اخلاص

الاخلاص ملوش تعريف محدد بس من وجهة نظري اني احترم الشخص اللي يحترمني واخاف عليه من كل حاجة ممكن تضره واحفظ الجميل للي يعمل معايا جميل واني احافظ دايما علي الانسان اللي يحافظ عليا

يعني ايه غدر وخيانه

الغدر والخيانة اسوأ حاجة ممكن الانسان يتعرض ليها سواء كان من شخص قريب منك قوي او من شخص بعيد عنك بس الاهم ان الغدر والخيانة دول عمر الانسان ما يقدر ينسي اللي كان السبب فيهم حتي لو اللي غدر بيك حاول يعتذر بعد كده .

ودمتم

ومتشكرين يا ميجوووووووو علي التدبيسة دي

لا ولا يهمك يا صاحبى

وانا بقا عايز اسالك



اكمل العباره الاتيه

واااااااااااااااااا........ !!!


ده ع سبيل الهزار

اما الجد خدعندك يا سيدى

اولا

انت حبيت كام مره ؟

واللى حبتها دى عرفتها ازاى ؟

و هل انت حد غدر بيك قبل كده او خانك فى حياتك ؟

وانت ايه اكتر حاجه بتحبها او بتحب تعملها كل يوم ؟


يارب مكونش ادخلت فى حياتك الشخصيه والعاطفيه و العمليه

ههههههههههههه